picma.ru | 1joomla.ru
ДАРХЛААЖУУЛАЛТЫН ТӨЛӨВЛӨГӨӨГ ТӨСӨВ САНХҮҮТЭЙ НЬ БОЛОВСРУУЛАХ ЁСТОЙ PDF Хэвлэх И-мэйл
Бичсэн Enkhbaatar   
2017 оны 11-р сарын 02, Пүрэв гариг, 11:01

alt

Дэлхий дахин болон бүс, нутгийн хэмжээнд дархлаажуулалтын чиглэлээр баримталж буй бодлого чиглэлүүдтэй уялдуулан Монгол Улсад 2018-2022 онд баримтлах дархлаажуулалтын хөтөлбөрийн тэргүүлэх чиглэлүүдээ тодорхойлон, үйл ажиллагааны төлөвлөгөөний зорилго, зорилтоо тодорхойлох, энэ хүрээнд хийгдэх үйл ажиллагааны төслөө боловсруулах уулзалт хэлэлцүүлэг 2017 оны арваннэгдүгээр сарын 1-ний өдөр ЭМЯ-д боллоо.

Дэлгэрэнгүй...
 
НЭВТРҮҮЛГИЙН СҮЛЖЭЭНД ШИНЭ САНАА НЭМЭРЛЭСЭН СУРГАЛТ БОЛЛОО PDF Хэвлэх И-мэйл
Бичсэн Enkhbaatar   
2017 оны 10-р сарын 30, Даваа гариг, 11:22

alt 

ЭМЯ, Халдварт өвчин судлалын Үндэсний төв, Оюуны дархлаа ТББ-аас эрүүл мэнд ба хэвлэл мэдээллийн ажилтны оролцоо сэдвээр МҮОНТР-ийн уран бүтээлчдийн дунд бүтэн өдрийн сургалтыг 2017 оны аравдугаар сарын 26-ны өдөр зохион байгууллаа.

Сургалтыг МҮОНТР-ийн дэд захирал Г.Гэрэл, ЭМЯ-ны Нийгмийн эрүүл мэндийн газрын мэргэжилтэн С.Отгонсүх, Халдварт өвчин судлалын Үндэсний төвийн албаны дарга А.Амбасэлмаа, Оюуны дархлаа ТББ-ын тэргүүн Г.Энхбаатар нар нээж үг хэллээ.

МҮОНТР-ийн дэд захирал Г.Гэрэл хэлэхдээ энэ удаагийн сэргэлт нь манай уран бүтээлчдийн эрүүл мэндийн талаарх мэдлэг мэдээлэл нэмэгдэхийн зэрэгцээ нийтлэл нэвтрүүлэгтээ нийгмийн эрүүл мэндийн талаар тодорхой эх сурвалжтай мэдээлэл тусгахад түлхэц болно гэдэгт найдаж байна.Ер нь одоо МҮОНТР-ийн 2017-2018 оны нэвтрүүлгийн сүлжээ хэлэлцэж байгаа энэ үед энэ сургалт болж байгаа нь их ач холбогдолтой юм. Магадгүй ирэх жилийн нэвтрүүлгийн сүлжээнд орох шинэ нэвтрүүлгийн санаа гарна гэдэгт итгэж байна гэв

Сургалтад Нийгмийн эрүүл мэндийн Үндэсний төвийн ажилтан, анагаах ухааны доктор Б.Сувд, ХӨСҮТ-ийн Халдварт өвчний тандалт судалгааны албаны дарга А.Амбасэлмаа ХӨСҮТ-ийн нэгжийн дарга,анагаах ухааны доктор Б.Энхтуяа, ХӨСҮТ-ийн нэгжийн дарга,анагаах ухааны доктор Ц.Сэлэнгэ, Дархлаажуулалтын алба О.Дашпагма ХӨСҮТ-ийн Томуугийн Үндэсний нэгжийн дарга, анагаах ухааны доктор А.Бурмаа, Томуугийн Үндэсний нэгжийн судлаач, магистр Д.Оюунгэрэл,ХӨСҮТ-ийн Сүрьеэгийн тандалт судалгааны албаны судлаач Б.Энхтамир “, Халдвар судлаач их эмч, Клиникийн профессор Ч.Уртнасан, Оюуны дархлаа ТББ-ын тэргүүн, ХӨСҮТ-ын хэвлэл мэдээллийн ажилтан Г.Энхбаатар нар нийгмийн эрүүл мэндийн тухай,халдварт өвчнөөс урьдчилан сэргийлэх тухай, эрүүл мэндийн сэтгүүлзүйн сэдвүүдээр тус тус хичээл заалаа.
Сургалтад МҮОНТР-ийн 30 уран бүтээлч хамрагджээ

 
Томуугийн эсрэг дархлаажуулалт хийж эхэллээ PDF Хэвлэх И-мэйл
Бичсэн Enkhbaatar   
2017 оны 10-р сарын 25, Лхагва гариг, 16:50

alt

Энэ оны 10 дугаар сарын 16-наас эхлэн Дэлхийн эрүүл мэндийн байгууллагын шаардлага хангасан АНУ-ын Протейн Сайнс€ үйлдвэрийн 50,000 хүн тун, БНСУ-ын Грийн кросс үйлдвэрийн 45,000 хүн/тун вакцинаар томуугийн эсрэг дархлаажуулалт хийж байна.

Эхний ээлжинд нийслэлд дүүргийн эрүүл мэндийн төв, аймаг орон нутагт өрх, сумын эрүүл мэндийн төвөөр дамжуулан жирэмсэн эмэгтэйчүүд, өндөр настан, архаг суурь өвчтэй зэрэг эрсдэлт бүлгийн хүн амыг үнэ төлбөргүйгээр дархлаажуулж байна. Агаарын бохирдлын индекс өндөртэй газар байрладаг нийслэлийн 42 цэцэрлэгийн хүүхдийг томуугийн эсрэг вакцинаар дархлаажуулж эхэллээ.

Мөн ХӨСҮТ-ийн амбулаторийн 114, 117, 110 дугаар өрөөнд ажлын өдрийн 8.30-17.00 цагийн хооронд 6 сартай хүүхдээс дээш бүх насныхан сайн дурын дархлаажуулалтад 10,000 төгрөгийн төлбөртэйгээр хамрагдаж болно. /Дархлаажуулалтын талаарх дэлгэрэнгүй мэдээллийг ХӨСҮТ-ийн 455-388 дугаар утсаар авна уу/

Цаашдаа 125 мянган хүн тун вакцин хүлээж авахаар төлөвлөж байна. Гэхдээ томуугийн вакцины эрэлт хэрэгцээ ихтэй үйлдвэрлэл бага учраас нилээд цуварч ирж байна. Тиймээс дархлаажуулалт 10 хоног биш сар гаруй үргэлжлэх төлөвтэй байна

Мөн сум, өрхийн эрүүл мэндийн төвүүдэд тав хүртлэх насны 370,000 хүүхэд, 73,000 хөхүүл эхчүүдийн биеийн дархлааг дэмжих А аминдэмийг олгоод байна.

 
ДАРХЛААЖУУЛАЛТЫН 10 ХОНОГ ЭХЭЛЛЭЭ PDF Хэвлэх И-мэйл
Бичсэн Enkhbaatar   
2017 оны 10-р сарын 18, Лхагва гариг, 15:15

alt

"Дархлаажуулалтын 10 хоног"эхэлж байгаа болон улирлын томуугийн вакцин хийж эхэлж байгаатай холбогдуулан өнөөдөр ХӨСҮТ-д хэвлэлийн бага хурал боллоо. Хурлын эхэнд ХӨСҮТ-ийн Ерөнхий захирал Д.Нямхүү хэлэхдээ "€Манай эмнэлэгийн харьяа Томуугийн үндэсний төв нь Монгол Улсын хэмжээнд томуу, томуу-төст өвчиний тархвар судлалын болон вирүс судлалын тандалтыг зохион байгуулан хэрэгжүүлж,томуу, томуу төст өвчний тахалт болон цартахалт тархалтаас сэргийлэх, таслан зогсооход шаардагдах нийгмийн эрүүл мэндийн болон эмнэлзүйн арга хэмжээний үндэслэл, арга зүйг боловсруулан авч хэрэгжүүлдэг байгууллага юм.

Манай төв 2004 оноос эхлэн АНУ-ын Өвчний хяналт сэргийлэлтийн төвтэй хамтран ажиллаж томуугийн тандалтын тогтолцоог өргөжүүлэн бэхжүүлж, тандалтын үйл ажиллагааг тасралтгүй зохион байгуулж байгаа нь Дэлхийн эрүүл мэндийн байгууллага, бусад олон улсын томоохон байгууллагуудад өндөр түвшинд үнэлэгдэж ирсэн. Иймээс 2015 оны 10 дугаар сард АНУ-ын Өвчний хяналт сэргийлэлтийн төвийн хамтын үйл ажиллагааны хүрээнд Даян дэлхийн эрүүл мэндийн төлөө байгууллагын "Вакцины тэгш хүртээмжтэй асуудлыг хариуцах"€ төвтэй хамтын ажиллагааны гэрээ байгуулж, Томуугийн вакциныг нэвтрүүлэх хамтын ажиллагааны хөтөлбөрийг хэрэгжүүлж байгаа 7 дахь орон болсон юм.

2016/2017 оны томуугийн улиралд 45,000 хүн тун вакциныг үнэ төлбөргүй хүлээн авч томуугийн хамгийн өндөр эрсдэлтэй нөхцөлд ажилладаг эрүүл мэндийн байгууллагын ажилчид, цэрэг, цагдаа зэрэг онцгой нөхцөл байдалд ажилладаг хүмүүсийг дархлаажуулсан билээ.

Энэ жилийн томуугийн улиралд дахин 175,000 хүн тун улирлын томуугийн вакциныг хүлээн авахаар Халдварт өвчин судлалын үндэсний төв, Томуугийн үндэсний төв, Даян дэлхийн эрүүл мэндийн төлөө байгууллагын "Вакцины тэгш хүртээмжтэй асуудлыг хариуцах төв"-тэй ахин гэрээ байгуулж эрсдэлт бүлгийн хүн амыг дархлаажуулахаар бэлтгэл ажлыг хангасан, дархлаажуулалтын үйл ажиллагааг эхлэхэд бэлэн болоод байна. 2017 оны аравдугаар сарын 13-ны өдөр эхний ээлжийн 50,000 хүн тун вакциныг АНУ-ын Протейн сайнс корпорациас хүлээн авсан бөгөөд, вакциныг түгээх үйл ажиллагаа эхлээд байна. Бид энэ жилийн хувьд өмнөх жилүүдтэй харьцуулахад харьцангуй олон хүн тун вакцин хүлээн авч байгаа хэдий ч эрсдэлт бүлгийн тодорхой хувийг эхний ээлжинд дархлаажуулахаар төлөвлөөд байна"€ гэв.

Дараа нь ХӨСҮТ-ийн дэд захирал Б.Цацралт-Од хэлэхдээ "Даян дэлхийн эрүүл мэндийн төлөө байгууллага нь төрийн бус, ашгийн төлөө бус байгууллага ба бага дунд орлоготой улс орнуудын эрүүл мэндийн асуудлыг сайжруулах эрүүл мэндийн орчныг сайжруулах, хөгжүүлэх чиглэлээр үндсэн 8 чиглэлээр үйл ажиллагааг явуулдаг. Эдгээр үйл ажиллагааны нэг нь Томуугийн вакциныг нэвтрүүлэх хамтын ажиллагааны хөтөлбөр юм. Тус хөтөлбөрийн үндсэн зорилго нь бага ба дунд орлоготой улс орнуудад томуугийн дархлаажуулалтын тогтвортой хөтөлбөрийг хэрэгжүүлэх ба ингэснээр дэлхийн хэмжээнд томуугаас шалтгаалсан өвчний дарамтыг бууруулж, болзошгүй цартахлын эсрэг хариу арга хэмжээaвахчадавхийг нэмэгдүүлэх явдал юм. Тус хөтөлбөрийн хүрээнд эхний 3-5 жилд хөтөбөр хэрэгжиж буй орнуудад болзошгүй цартахлын үеийн дархлаажуулалтанд шаардлагатай дархлаажуулалтын хөтөлбөрийг боловсруулах, 200 мянга хүртэлх вакциныг үнэ төлбөргүй олгох юм.

Өчигдөр буюу аравдугаар сарын 17-ны өдөр Улаанбаатар хотын томуугийн харуулдан тандалтын нэгжүүдийн 100 гаруй мэргэжилтнийг цуглуулж АНУ-ын ӨХСТ болон Даян дэлхийн эрүүл мэндийн төлөө байгууллагын мэргэжилтнүүдийг байлцуулан энэхүү хэрэгжиж байгаа хөтөлбөр болон хөтөлбөрийн хүрээнд орж ирж байгаа вакцин, ямар эрсдэлт бүлгийг дархлаажуулах талаар дэлгэрэнгүй мэдээллэл өгсөн сургалтыг зохион байгууллаа" гэв.

Хэвлэлийн хурал дээр Томуугийн үндэсний нэгжийн дарга А.Бурмаа хэлэхдээ "ДЭМБ-ын Дархлаажуулалтын асуудлаархи стратегийн зөвлөлдөх хорооноос улирлын томуугийн вакцинаар нэн тэргүүнд дархлаажуулах чухал 5 бүлгийг тодорхойлон гаргасан байдаг. Үүнд: жирэмсэн эмэгтэйчүүд, эрүүл мэндийн байгууллагын ажилтнууд, <5насны хүүхдүүд(үүн дотроо6-23 сартай), ахмад настнууд, архаг хуучтай хүмүүсийг тодорхойлсон байгаа.

Олон жилийн судалгаа шинжилгээгээр жирэмсэн эмэгтэйчүүд нь томуугийн шалтгаант хүндрэл (амьгүй төрөлт, нярайн эндэгдэл, төрөлтийн жин буурах гэх мэт), нас баралтад өртөх хамгийн өндөр эрсдэлтэй байдаг болохыг судлан тогтоосон байна.

Улирлын томуугийн идэвхгүйжүүлсэн вакцин нь жирэмсэн эмэгтэйчүүдийг томуугаас хамгаалах, халдвар авсан ч хүндрэх эрсдэлийг бууруулдаг ба жирэмсний аль ч хугацаанд хийж болох бөгөөд ямар нэг сөрөг нөлөөгүй. 6 хүртэлх сартай нярай хүүхдүүд бусад насны бүлгийн хүүхдүүтэй харьцуулахад томуугийн шалтгаантай эмнэлэгт хэвтэн эмчлүүлэх өндөр эрсдэлтэй байдаг. Эхээс авсан дархлаа нь хэвлийд байгаа ургийг томуугийн шалтгаант хүндрэлээс хамгаалж, төрсний дараа 6 сарын хугацаанд томуугийн халдвараас хамгаалдаг" гэв.

Хэвлэлийн хурал дээр Халдварт өвчний тандалт судалгааны албаны дарга А.Амбасэлмаа улсын хэмжээнд томуу, томуу төст өвчний нөхцөл байдлын талаар товч мэдээлэл хийлээ. Улсын хэмжээндамбулаториор үйлчлүүлэгсдийн 3-5% ТТӨ-тэй гэж оношлогдон, өмнөх долоо хоногтой харьцуулахад бага зэрэг нэмэгдэж байна. Өвчлөгсдийн  80%-ийг 15 хүртэлх, 70%-ийг 4 хүртэлх насны хүүхдийн өвчлөл эзэлж байна.Уушгины үрэвсэл, амьсгалын замын цочмог хүнд халдварын шалтгаантай эмнэлэгт хэвтэгсэд нийт хэвтэгсэдийн дотор 10 орчим хувийг  эзэлж, өмнөх долоо хоногоос бага зэрэг нэмэгдсэн байна.

2010/11 оны томуугийн улирлаас эхлэн ХӨСҮТ-ийн вирүс судлалын лаборатори ТХТН-үүдээс ирүүлсэн сорьцонд мультиплекс полимеразийн гинжин урвалын аргаар томуугийн вирүсийг тодорхойлж эхэлсэн. Өнөөгийн байдлаар томуугийн вирүс хүн амын дунд эргэлтэнд ороогүй, томуу төст өвчнийг үүсгэгч иж томуу, риновирүс, бокавирүс эргэлтэнд байна.

 
ТОМУУГИЙН ХАРУУЛДАН ТАНДАЛТЫН НЭГЖҮҮДИЙН УУЛЗАЛТ БОЛЛОО PDF Хэвлэх И-мэйл
Бичсэн Enkhbaatar   
2017 оны 10-р сарын 18, Лхагва гариг, 11:56

alt

Улаанбаатар хотын Томуугийн харуулдан тандалтын нэгжүүдийн уулзалт 2017 оны аравдугаар сарын 17-ны өдөр Контенинтал зочид буудалд боллоо. Уулзалтад нийслэл, дүүргийн Эрүүл мэндийн газар, нэгдэл, өрхийн эрүүл мэндийн төвүүдийн Томуугийн нэгжийн эмч, сувилагч нар оролцож "Томуу, шинэ болон дахин сэрэж байгаа халдварын дэлхий дахины байдал, томуугийн А/H7N9/ вирүст халдварын хүний өвчлөл", "2016/2017 оны томуугийн улирал дахь томуу, томуу төст өвчний эпидемилоги, үүсгэгчийн хөдлөлзүй"€, "Томуу, томуу төст өвчин, амьсгалын замын цочмог хүнд халдварын эмнэлзүйн менежмент" гэх мэт сэдвүүдээр лекц сонсч, санал бодлоо солилцлоо.

Уулзалтад Даян дэлхийн эрүүл  мэндийн төвийн мэргэжилтэн Маленбэ Сандрринэ Эбама оролцож ДДЭМТ-өөс Монгол Улсад хэрэгжүүлж байгаа "Томуугийн вакцин нэвтрүүлэх төсөл"€-ийн танилцуулгыг хийлээ. Өнгөрсөн жил ДДЭМТ-өөс Монгол Улсад томуугийн 45.000 хүн/ тун вакцин нийлүүлсэн бол энэ жил 175.000 хүн/тун вакцин нийлүүлэхээр болсон бөгөөд энэ долоо хоногт эхний 50.000 хүн/тун вакцин ирээд байна.

Жил бүр болдог Дархлаажуулалтын 10 хоногийн үеэр Улаанбаатар хотын Томуугийн харуулдан тандалтын нэгжүүдийн уулзалт болж байгаа нь улирлын томуугийн вакцинд хамрагсдыг өргөжүүлэх, томуугийн тандалтын мэдээ, мэдээллийг бүртгэх, цуглуулах, мэдээлэхэд болон энэ жилийн томуугийн дархлаажуулалттай холбоотой хийгдэж байгаа судалгааг үр дүнтэй болгоход чухал ач холбогдолтой юм.

Томуугийн харуулдан тандалтын нэгжүүдийн уулзалтад ХӨСҮТ-ийн Ерөнхий захирал, доктор Д.Нямхүү, ХӨСҮТ-ийн Халдварт өвчний тандалт судалгааны албаны дарга А.Амбасэлмаа, Томуугийн Үндэсний Төвийн дарга, доктор А.Бурмаа нарын зэрэг албаны эмч мэргэжилтнүүд оролцож, мэдээлэл өгч, сонирхсон асуултуудад хариулт өглөө. 

 


Хуудас 136-с 4

Санал авч байна

Одоогоор санал авах мэдээлэл байхгүй байна.

Ажиллах цагийн хуваарь

Ажлын өдөр: 8.00-15.00

Амралтын өдөр: Бямба, Ням

Хүлээн авах: 24/7

Түргэн: 24/7

Манай хаяг

Монгол улс, Улаанбаатар хот, Баянзүрх дүүрэг, Нам-Ян-Жүгийн гудамж, Халдварт Өвчин Судлалын Үндэсний Төв

Утас: Утасны жагсаалт

Лавлах утас: 100        

08:30-15:30 цагийн хооронд ажиллах лавлах утас: 11-455388, 11-453849 

info@nccd.gov.mn

Санал гомдол

Нэр:
И-мэйл:
Гарчиг:
Санал гомдолоо бичнэ үү:

Манай сайтад

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterӨнөөдөр166
mod_vvisit_counterӨчигдөр2112
mod_vvisit_counterЭнэ долоо хоног6276
mod_vvisit_counterӨнгөрсөн долоо хоног14169
mod_vvisit_counterЭнэ сар23146
mod_vvisit_counterӨнгөрсөн сар55579
mod_vvisit_counterНийт өдөр3204554

Зочин

Манайд 90 зочид онлайн

ХӨСҮТ

Developed by JoomVision.com

Холбоосууд

Баннер
Баннер
Баннер
Баннер
Баннер

Халдварт Өвчин Судлалын Үндэсний Төв© 2011 он