picma.ru | 1joomla.ru
Мэдээ мэдээлэл
PDF Хэвлэх И-мэйл
2018 оны 4-р сарын 16, Даваа гариг, 10:45
Үндэсний статистикийн газраас Монгол улсын 2018 оны эхний улирлын нийгэм, эдийн засгийн байдлыг танилцуулав.

alt

Улсын хэмжээнд 2018 оны эхний улиралд 18556 эх амаржиж, 18671 хүүхэд төрүүлсэн нь өмнөх оны мөн үеэс амаржсан эх 2014 (12.2%)-өөр, амьд төрсөн хүүхэд 2029 (12.2%)-өөр тус тус нэмэгдсэн байна.
Халдварт өвчнөөр өвчлөгчид 2018 оны эхний улиралд 9591 болж, өмнөх оны мөн үеэс 1948 (16.9%)- аар буурахад гар, хөл, амны өвчнөөр өвчлөгчид 997 (55.9%)-гоор, салхин цэцгээр өвчлөгчид 979 (30.7%)-өөр, мөөгөнцөрөөр өвчлөгчид 75 (16.4%)-аар, трихомониазаар өвчлөгчид 155 (12.1%)-аар, сүрьеэгээр өвчлөгчид 44 (4.9%)-өөр буурсан нь голлон нөлөөлсөн байна. Харин цусан суулгаар өвчлөгчид 355 (81.6%)-аар, тэмбүүгээр өвчлөгчид 72 (4.7%)-оор өссөн байна.
Улаанбаатар хотод 2018 оны 3 дугаар сард ХДХВ/ДОХ-ын 3 тохиолдол илэрч, улсын хэмжээнд бүртгэгдсэн ХДХВ/ДОХ-ын нийт тохиолдол 255 болсон байна.
 
PDF Хэвлэх И-мэйл
2018 оны 3-р сарын 30, Баасан гариг, 13:02

ДЭЛХИЙН ЭМЧ НАРЫН ӨДРИЙГ ТОХИОЛДУУЛАН ЭРҮҮЛ МЭНДИЙН ЯАМНААС ЭМЧ НАРТАЙ ХОЛБООТОЙ СОНИРХОЛТОЙ ТОО БАРИМТУУДЫГ ХҮРГЭЖ БАЙНА.

Эх сурвалж: http://mohs.mn/news/2784

 
Мэндчилгээ PDF Хэвлэх И-мэйл
Бичсэн Administrator   
2018 оны 3-р сарын 30, Баасан гариг, 12:30

Жил бүрийн 3 дугаар сарын 30-ний өдрийг Монгол эмч нар ажил мэргэжлээрээ бахархах, эрүүл мэндийн бусад ажилтан, ард иргэд нь эмч нартаа талархах өдөр болгон тэмдэглэн өнгөрүүлдэг сайхан уламжлалтай. Өнөөдөр эмч нар маань Монгол улсад оношлогдож, эмчлэгдэх боломжгүй болон ховор тохиолддог олон өвчин эмгэгийг эмчилж, оношилж чадаж байгаа нь үнэхээр бахархалтай. Үе үеийн нийт эмч нартаа болон Та бүхний гэр бүлд эрүүл энх, аз жаргал, сайн сайхан бүхнийг хүсэн ерөөе.

Эх сурвалж: http://mohs.mn/news/2786

 
ШИНЭ СЭРГЭГ МЭДЭЭЛЭЛТЭЙ ЭРДЭМ ШИНЖИЛГЭЭНИЙ ХУРАЛ БОЛЛОО PDF Хэвлэх И-мэйл
Бичсэн Enkhbaatar   
2018 оны 3-р сарын 27, Мягмар гариг, 15:14

Өнөөдөр болсон үйл явдал-н зураг.

Олон улсын эмч нарын баярыг угтаж “Шинээр гарч байгаа болон дахин сэргэн тархаж байгаа халдварт өвчний тархвар судлал, оношлогоо, эмчилгээ, урьдчилан сэргийлэлт” сэдэвт эрдэм шинжилгээ, онол практикийн бага хурал Халдварт өвчин судлалын Үндэсний төвд 2018 оны гуравдугаар сарын 27-ны өдөр боллоо.

Шинжлэх ухаан, техникийн ололт амжилт нэмэгдэхийн хэрээр халдварт өвчинтэй тэмцэж, устгаж байгаа боловч байгаль экэологийн өөрчлөлт, улс орнуудын хөгжлийн түвшин, хүний хүчин зүйлийн нөлөөллөөс хамаарч янз бүрийн халдварт өвчин, түүнийг үүсгэгч бичил биетийн төрөл сүүлийн жилүүдэд хувьсан өөрчлөгдөж, өнгө төрхөө сольж, олон төрлийн өвчнүүд гарч байна. Сүүлийн 40 жилийн хугацаанд дэлхийд шинээр ДОХ,гепатитийн Е, С, G хелико бактер, SARS гэх мэтийн 40-өөд халдварт өвчин шинээр бүртгэгдсэн байна.

Эрдэм шинжилгээний бага хурлыг нээж Академич, анагаах ухааны доктор, профессор, Хүний гавьяат эмч Д.Бат-Очир хэлэхдээ “Эрдмийн судалгаа шинжилгээний нээлт болон тэдгээрийн хоорондын харилцааны хурдац нь  шинээр гарч байгаа болон дахин сэргэн тархаж байгаа халдварт өвчинтэй тэмцэх, сэргийлэх ажлын арга хэмжээнд маш ач холбогдол өгч байгаа хэдий ч үйл ажиллагааны байдал, урьдчилан сэргийлэх, тархалтыг хязгаарлах зэрэг иж бүрдэл асуудал тодорхой биш, түгшүүр айдас хэвээр байна.

Эн удаагийн эрдэм шинжилгээний бага хурал нь манай улсад бүртгэгдсэн бүх халдваруудыг хамруулж Улаанбаатар хотын зарим дүүргүүдийн халдвартын кабинетийг оролцуулсан судалгаа шинжилгээний олон төрлийн материал дээр үндэслэгдсэн ойлгомж бүхий, чанартай өгөөжтэй практик ач холбогдолтой илтгэлүүдийг тавьж хэлэлцүүлж байгаагаараа чухал ач холбогдолтой юм” гэлээ.

Эрдэм шинжилгээний бага хуралд Халдварт өвчний тандалт судалгаа, Сүрьеэ өвчний тандалт судалгаа, БЗДХ-ын өвчний тандалт судалгаа, Лаброраторид суурилсан өвчний судалгаа, Клиникийн салбарын эмнэл зүй, эмчилгээ үйлчилгээний сэдвийн хүрээнд “Монгол Улсад 2013-2016 онд ялгасан томуугийн В хэвшинжийн вирусийн шинж төрх”, “Хепатитийн С вирүсийн эсрэг софосбувир  /ледифасвир/ эмчилгээний үр дүн”, “Идэвхитэй хэлбэрийн уушигны сүреэгийн эмчилгээнд “Д” аминдэмийг хавсран хэрэглэсэн тохиолдолд рентген шинжилгээнд гарсан өөрчлөлтийг судалсан дүн” , “Монгол Улсад бүртгэгдэж буй зоонозын халдваруудын хэтийн хандлага” гэх мэт олон сэдвээр 100 гаруй эрдэмтэн судлаачийн хамтын бүтээл 26 илтгэлийг тавьж хэлэлцүүллээ.

Эрдэм шинжилгээний бага хуралд Хүний гавьяат эмч Д.Бат-Очир, Н.Цэнд, академич Ж.Оюунбилэг, доктор Д.Адмэд, Б.Цацралт-Од, Д.Дармаа, Д.Батдэлгэр, Ц.Сэлэнгэ,Ж.Даваалхам, А.Бурмаа нарын зэрэг эрдэмтэн докторууд оролцож, санал шүүмж өрнүүллээ.

 
PDF Хэвлэх И-мэйл
2018 оны 3-р сарын 27, Мягмар гариг, 10:17

Өмнөговь аймагт шувууны томуугийн A (H7N9)вирүст хүний халдварын тохиолдлыг эрт илрүүлэх, хариу арга хэмжээг шуурхай зохион байгуулах, салбар хоорондын хамтын ажиллагааг бэхжүүлэх сургалт , дасгал сургуулилт зохион байгуулагдлаа

Өмнөговь аймагт салбар хоорондын хамтын ажиллагааг бэхжүүлэх сургалт, дасгал сургуулилтыг  зохион байгуулав. Сургалтаар салбар хоорондын байгууллагууд мэдээлэл солилцох, хамтарсан эрсдэлийн үнэлгээ хийх, шуурхай хариу арга хэмжээ авах талаар дасгал сургуулилтыг Монгол улсын шадар сайдын баталсан “Болзошгүй гамшиг, нийгмийн эрүүл мэндийн ноцтой байдлын үеийн салбар хоорондын мэдээлэл солилцох, хариу арга хэмжээг шуурхай зохион байгуулах” журмын дагуу зохион байгуулсан нь үр дүнтэй болж, цаашид ур журмыг хэрэгжүүлэх үйл явцад тодорхой ойлголтыг өгсөн байна.

Дэлгэрэнгүй...
 
“Сүрьеэ өвчинтэй тэмцэх дэлхийн өдөр”-ийг “Сүрьеэг устгая” уриан дор тэмдэглэн өнгөрүүлнэ PDF Хэвлэх И-мэйл
Бичсэн Enkhbaatar   
2018 оны 3-р сарын 22, Пүрэв гариг, 11:21

alt

Сүрьеэ өвчинтэй тэмцэх үйл хэрэгт олон нийтийн анхаарлыг хандуулах, хүн бүрийн хүчин чармайлт чухал гэдгийг сурталчлан таниулах зорилгоор дэлхийн улс орнууд 1998 оноос хойш жил бүрийн гуравдугаар сарын 24-нд Сүрьеэ өвчинтэй тэмцэх дэлхийн өдрийг тэмдэглэсээр иржээ. Энэ ч утгаараа, манай улсад 20 гаруй жилийн өмнөөс эхлэн төрийн болон төрийн бус байгууллагууд хамтран тэмдэглэх болсон юм.

2018 оны хувьд Сүрьеэ өвчинтэй тэмцэх дэлхийн өдрийг дэлхий нийтээрээ Манлайлагчдыг хайж байна... Сүрьеэг устгая.Та ч байж болно.Түүхийг бүтээ! уриан дор тэмдэглэн өнгөрүүлэх гэж байна. Энэ хүрээнд сүрьеэтэй тэмцэх дэлхийн өдрийн арга хэмжээг НЭМГ-ын даргын А/34 дүгээр тушаалын дагуу 2018 оны гуравдугаар сарын 14-өөс дөрөвдүгээр сарын 07-ны хооронд Сүрьеэг устгая уриан дор тэмдэглэн өнгөрүүлнэ.Эдгээр өдрүүдэд иргэд, зорилтот бүлгийн хүн ам, залуучуудын дунд сүрьеэгийн идэвхтэй эрт илрүүлгийг зохион байгуулах, халдварын тархалт, халдвараас сэргийлэх талаарх мэдээллийг хийж, иргэдийн мэдлэг, хандлагыг дээшлүүлэх замаар эрүүл аж төрөх зан үйлийг төлөвшүүлэх,сүрьеэгүй дүүрэг, хороо, байгууллага, аж ахуйн нэгжийг хөхүүлэн дэмжих гэх мэт үйл ажиллагааг зохион байгуулах юм.

Дэлгэрэнгүй...
 
PDF Хэвлэх И-мэйл
2018 оны 3-р сарын 07, Лхагва гариг, 14:21

САЛБАР ХООРОНДЫН ХАМТЫН АЖИЛЛАГААНЫ СУРГАГЧ БАГШ БЭЛТГЭХ СЕМИНАР БОЛЛОО

alt

Шувууны томуугийн вирүст хүний халдварын тохиолдлыг эрт илрүүлэх, хариу арга хэмжээг шуурхай зохион байгуулах, салбар хоорондын хамтын ажиллагааг бэхжүүлэх тухай сургалтын материал боловсруулах, сургагч багш бэлтгэх уулзалт семинар Халдварт өвчин судлалын Үндэсний төвд 2018 оны гуравдугаар сарын 7-ны өдөр боллоо.

Дэлгэрэнгүй...
 
PDF Хэвлэх И-мэйл
2018 оны 3-р сарын 01, Пүрэв гариг, 13:43

Пневмококкийн шалтгаант уушгины хатгалгаа өвчнөөс сэргийлэх пневмококкийн эсрэг 13 цэнт вакциныг Нийслэлийн бүх дүүрэгт нэвтрүүллээ.

Эрүүл мэндийн яам, Халдварт өвчин судлалын үндэсний төв, Мянганы хөгжлийн зорилтыг хэрэгжүүлэх хүрээнд 2007 оноос эхлэн  уушгины хатгаа өвчний үүсгэгчийг тодорхойлох тандалтын суурь судалгаа хийж эхэлсэн.
Засгийн газрын 2016-2020 оны үйл ажиллагааны хөтөлбөрийн хэрэгжүүлэх арга хэмжээний төлөвлөгөө, халдварт өвчинөөс сэргийлэх, хянах үндэсний хөтөлбөрийг хэрэгжүүлэх зорилгоор Монгол улс үндэсний хэмжээнд пневмококкийн эсрэг 13 цэнт вакциныг үе шаттайгаар нэвтрүүлэхээр төлөвлөн ажиллаж, 2016 оны 6 дугаар сараас Улаанбаатар хотын сонгогдсон Сонгинохайрхан, Сүхбаатар дүүрэгт, 2017 оны 7 дугаар сард Баянзүрх дүүрэгт амжилттай нэвтрүүлсэн.

Дэлгэрэнгүй...
 
PDF Хэвлэх И-мэйл
2018 оны 2-р сарын 19, Даваа гариг, 14:16

ДЭМБ-ийн ханган нийлүүлэлтийн зөвлөх Рон Вехренс 2018-01-29-с 2018-02-09-ний өдрүүдэд ХӨСҮТ-д ажиллалаа .