Эрүүл мэндийн салбарт загвар, жишиг болохуйц халдвар хамгааллын дэд бүтцийг бий болголоо.

Азийн Хөгжлийн Банкны хөнгөлөлттэй зээлээр “Эрүүл Мэндийн Салбарын Хөгжил Хөтөлбөр-5” төслийн хүрээнд ХӨСҮТ-ийн Төвлөрсөн ариутгал, Нян судлалын лабораторит хийгдсэн их засвар, тоног төхөөрөмжийн шинэчлэлийг хүлээж авах ёслол 2019 оны аравдугаар сарын 15-ны 10.00 цагт боллоо.  Ёслолыг нээж ХӨСҮТ-ийн Ерөнхий захирал Д.Нямхүү үг,  ЭМЯ-ны болон “Эрүүл Мэндийн Салбарын Хөгжил Хөтөлбөр-5”  төслийн  төлөөлөл оролцож санал сэтгэгдлээ солилцлоо.
Төслийн хүрээнд барилгын  засвар хувьд Лабораторийн барилгыг иж  бүрэн  засварлаж, агааржуулалтын нэгдсэн систем, цахилгаан, сантехник, интернет  холбоо, дохиоллыг системийг шинэчлэжээ.  

Талбарын тархвар судлал сургалтын 2019-2020 оны 10 дахь кохортын танхимын хичээл эхэллээ.
 
Энэ удаагийн кохортод СЭМҮТ, ЗӨСҮТ, НЭМГ, ХХААИС, ЧД-ийн ЭМТ, ХӨСҮТ зэрэг байгууллагуудын мэргэжилтнүүд шалгаран орсон ба сургалтыг нээж ХӨСҮТ-ийн Ерөнхий захирал Д.Нямхүү суралцагчдад хандан үг хэлэв. 
Суралцагчид 2 сарын хугацаанд тархвар судлал, биостатистик, нийгмийн эрүүл мэндийн тандалт, эрсдэлийн үнэлгээ, нийгмийн эрүүл мэндийн харилцаа холбоо, лабораторийн оношлогоо зэрэг сэдвүүдээр онолын хичээл үзэх ба үлдсэн 10 сарын хуагцаанд талбарын дадлага ажил хийн төгсөх юм.

Эрүүл мэндийн тусламж, үйлчилгээний дэвшилтэт техник, технологийг олон нийтэд таниулах үзэсгэлэнд оролцлоо.

ХӨСҮТ нь 2019 оны 10 сарын 04-06 өдрүүдэд Мишээл экспо төвд зохион байгуулагдсан Эрүүл мэндийн салбарт хэрэглэгдэж буй дэвшилтэд техник технологийн үзэсгэлэнд оролцлоо. 

Эрүүл мэндийн яамны “Нээлттэй өдөрлөг”-т Халдварт өвчин судлалын үндэсний төв 

Монгол Улсын Засгийн газрын үйл ажиллагааг олон нийтэд сурталчлах өдөрлөгийн хүрээнд Эрүүл мэндийн яамны “Нээлттэй өдөрлөг” 2019.09.18 өдөр 07.00-16.00 цагийн хугацаанд Д.Сүхбаатарын талбайд болж өндөрлөлөө. Тус өдөрлөгт Халдварт өвчин судлалын үндэсний төв (ХӨСҮТ) 27 эмч, ажилчдын бүрэлдэхүүнтэй оролцож, доорх үйлчилгээг иргэдэд үзүүлсэн байна. Үүнд: 

- Гэдэсний халдвар, элэгний архаг халдвар, сүрьеэ, сүрьеэгийн мэс заслын чиглэлээр 319 иргэнд үзлэг, зөвлөгөөг өгсөн.