picma.ru | 1joomla.ru
PDF Хэвлэх И-мэйл
2017 оны 3-р сарын 13, Даваа гариг, 17:09

Япон улсын Халдварт өвчний үндэсний хүрээлэнгээс Нийгмийн эрүүл мэндийн сургалт явуулах сургагч багш бэлтгэхсургалтыг зохион байгууллаа

Монгол улсын ХӨСҮТ-ийн Талбарын тархвар судлал сургалтын алба Япон улсын Халдварт өвчний үндэсний хүрээлэн(National Institute of Infectious Diseases, Japan)-тэй хамтран Нийгмийн эрүүл мэндийн сургалт явуулах сургагч багш бэлтгэхсургалтыг 2017 оны 3-р сарын 7-ноос 9-ны хооронд зохион байгууллаа. Япон улсын Халдварт өвчний үндэсний хүрээлэнгийн судлаач, зөвлөх Маттью Гриффит болон тус хүрээлэнгийн дэргэдэх Талбарын тархвар судлал сургалт (ТТСС)-ын суралцагч Шинго Нишики нар Нийгмийн эрүүл мэндийн чиглэлийн сайн сургагч багш бэлтгэхсургалтыг удирдан явууллаа. Сургалтанд Монголын ТТСС-ын суралцагч, төгсөгчдөөс гадна ДЭМБ, ЭМЯ-ны мэргэжилнүүд болон ХӨСҮТ-ийн Халдварт өвчний тандалт, судалгааны албаны мэргэжилтнүүд оролцлоо. 

Тус сургалтанд оролцогчид сайн сургагч багшийн шинжүүд, үгэн болон үгэн бус хэлбэрээр үр дүнтэй харилцаа үүсгэх, сөрөг хандлагатай суралцагчидтай нүүр тулгарах үед шийдвэрлэх арга зам, сургалтын үр дүнг сайжруулах, сургалтын хэлбэрийг хэрхэн оновчтой сонгох, насанд хүрэгчдэд зориулсан сургалтын арга барил, сургалт явуулах алтан дүрэм, сургалтыг хэрхэн үр дүнтэй явуулах, үнэлэх, сургалтын хөтөлбөр боловсруулах зэрэгт суралцлаа.

Цаашид нийгмийн эрүүл мэндийн чиглэлийн сургагч багшаар бэлтгэгдсэн мэргэжилтнүүд ажлын байрандаа сурсан мэдлэгээ ашиглан ямар ч төрлийн сургалтыг амжилттай зохион байгуулах чадвартай боллоо.

 

 

 

ХӨСҮТ

Developed by JoomVision.com

Халдварт Өвчин Судлалын Үндэсний Төв© 2011 он