“Жил бүр 3000-4000 сүрьеэгийн тохиолдол бүртгэгдэж байгаагийн 12 %-ийг ХҮҮХДИЙН СҮРЬЕЭ эзэлж байна“
Өнөөдөр “Сүрьеэгүй ирээдүйн төлөө хөрөнгө оруулалтыг нэмэгдүүлье” ШИЙДВЭР ГАРГАЧ НАРЫН зөвлөгөөн болж байна.
Тус зөвлөгөөнийг ЭМЯ, ХӨСҮТ, НЗДТГ, НЭМГ, Хөвсгөл аймгийн ЗДТГ, Монголын сүрьеэтэй тэмцэх нийгэмлэг, Эрүүл сүрьеэгүй ирээдүйн төлөө ТББ хамтран зохион байгуулж байгаа бөгөөд нийгмийн хариуцлагын хүрээнд Аrslan.mn мэдээ, мэдээлэл түгээн ажиллаж байна.
“Дархлалын олдмол хомсдолын тусламж үйлчилгээний зарцуулалтын үнэлгээ”-ний ажлыг гүйцэтгэх үндсэн судлаач сонгон шалгаруулах
ЭМЯ, Глобаль сангийн дэмжлэгтэй 2021-2023 онд хэрэгжиж байгаа төслийн хүрээнд “Дархлалын олдмол хомсдолын тусламж үйлчилгээний зарцуулалтын үнэлгээ хийх” үнэлгээний ажлын Үндсэн судлаач/ Үндэсний зөвлөх сонгон шалгаруулалтанд урьж байна. Шалгаруулалтад багаар болон судлаач дангаараа оролцож болно.
Судалгааны зорилго:
Монгол Улсын Засгийн газар, хандивлагч байгууллага, хувийн хэвшлийн байгууллагаас 2017-2021 онд ХДХВ, ДОХ-той тэмцэх, сэргийлэхэд зарцуулсан хөрөнгө, санхүүжилтийн хэмжээг тодорхойлох
“ХДХВ, тэмбүүгийн тархалтын тандалт судалгаа”-ны ажлыг гүйцэтгэх үндсэн судлаач сонгон шалгаруулах
ЭМЯ, Глобаль сангийн дэмжлэгтэй 2021-2023 онд хэрэгжиж байгаа төслийн хүрээнд Улаанбаатар хот болон зарим сонгогдсон аймгуудад хийгдэх “ХДХВ, тэмбүүгийн тархалтын тандалт судалгаа”-ны ажлыг хариуцан гүйцэтгэх үндсэн судлаачийн сонгон шалгаруулалтанд урьж байна.
Шалгаруулалтад хувь хүн болон хуулийн этгээд оролцоно.
Судалгааны зорилго:
Хүн амын дундах ХДХВ, тэмбүүгийн халдварын тархалт, БЗДХ, ХДХВ, ДОХ-ын талаарх мэдлэг, хандлага, бэлгийн зан үйлийг тодорхойлох, эрсдэлт бүлгийн хүн амын тоо хэмжээг тооцоолох
Өчигдөр буюу 2022 оны 3-р сарын 17-ны өдөр ХӨСҮТ-ийн Томуугийн үндэсний нэгжээс Улаанбаатар хотын томуугийн харуулдан тандалтын нэгжийн эмч, мэргэжилтэн нарт зориулсан “Томуугийн цар тахал болон улирлын томуугийн хүндрэлийн үнэлгээ”-ний сургалтыг зохион байгууллаа. Тус сургалтанд 70 гаруй эмч, мэргэжилтнүүд хамрагдлаа.
ДЭМБ-аас “Томуугийн цар тахал болон улирлын томуугийн хүндрэлийн эрсдэлийн үнэлгээ”-ний аргачлалыг боловсруулж, 2020 он гарсаар 30 гаруй оронд нэвтрүүлж, мэдээллийг нэгтгэн авч байна. Манай улс 2018 оноос эхлэн сүүлийн 5 жилийн ТТӨ, АЗЦХХ-ын тандалтын тоон мэдээг ашиглан улирлын томуугийн хүндрэлийн үнэлгээг хийж 5 үе шатаар үнэлж хариу арга хэмжээг хэрэгжүүлж байна.
ХӨСҮТ нь 2021 оны 4 дүгээр улиралд ДЭМБ-тай хамтран орон нутгийг таван бүсэд хуваан бүсчилсэн сургалтыг зохион байгуулж үнэлгээний аргачлалыг 21 аймагт амжилттай нэвтрүүлээд байна.
Сургалтыг нээж ХӨСҮТ-ийн Ерөнхий захирал Ц.Билэгтсайхан “2021/2022 оны томуугийн улиралд улирлын томуугийн H3N2 вирус, томуу төст өвчнийг үүсгэгч амьсгалын замын синцетиаль вирус, иж томуу, улирлын корона вирус нь хүн амын дунд орчилд орж, нийт хүн ам, ялангуяа бага насны хүүхдүүдийн дунд дэгдэлт үүсгэж, өвчлөлийн байдал өндөр түвшинд байна. КОВИД-19 цар тахал нь ТТӨ-ий өвчлөлийн хөдлөл зүй, улиралчилалд өөрчлөлт оруулж, халдварын түвшин хаврын саруудад нэмэгдэж, удаан үргэлжлэх магадлалтай байна. Энэ удаагийн сургалтын үр дүнд үнэлгээний аргачлалыг нэвтрүүлснээр шийдвэр гаргагчдыг цаг хугацаанд нь үнэн зөв мэдээллээр хангах, мэдээний чанар сайжирч, нэгж дээрх тархвар судлагч эмч, мэргэжилтэн нар өөрсдийн өвчлөлд тогтмол дүгнэлт хийдэг болох зэрэг олон давуу талтай” гэдгийг онцолж байв.
Мөн ХӨСҮТ-ийн Ерөнхий захирал Ц.Билэгтсайхан нийт оролцогчдод “КОВИД-19, ТТӨ-ий нөхцөл байдал, авч хэрэгжүүлж буй хариу арга хэмжээ” сэдвээр илтгэл танилцууллаа. Үргэлжлүүлэн ХӨСҮТ-ийн ТҮН-ийн дарга А.Бурмаа “ТТӨ-ий тандалтын тогтолцоо, түүний ач холбогдол, хэрэгжүүлж буй тушаал журам” ХӨСҮТ-ийн ТҮН-ийн тархвар судлагч их эмч Д.Оюунгэрэл “Томуугийн цар тахал болон улирлын томуугийн хүндрэлийн үнэлгээ”-ний ерөнхий танилцуулга, ЭХЭМҮТ-ийн АЭСТ-ийн дарга О.Солонго “ТТӨ, КОВИД-19 өвчний эмнэлзүйн байдал, эмчилгээ” гэх мэт сэдвүүдээр илтгэл, хэлэлцүүлгийг зохион байгууллаа.
Үргэлжлүүлэн сургалтанд оролцогчид багт хуваагдан Дүүргүүдийн томуугийн тандалтын мэдээн дээр хамтран дасгал ажлуудыг хийж чөлөөт асуулт хариулт, ярилцлага өрнүүллээ.
